Liza Soberano at Enrique Gil, unang kinunsidera sa blockbuster movie na 'Hello, Love, Goodbye'
Around GMA
Around GMA
Chinese fighter jets directed radar at Japanese aircraft, Japan says #WilmaPH moves north of E. Samar, over waters of Dolores Netflix is buying Warner Bros.Article Inside Page
Showbiz News
Kinabahan umano si Liza Soberano nang malaman ang planong pagtatambalin ang ka-love team niyang si Enrique Gil at si Kathryn Bernardo sa pelikulang 'Hello, Love, Goodbye.'
Ibinahagi ng aktres na si Liza Soberano sa latest vlog ni Bea Alonzo na unang inalok sa kanila ng kanyang boyfriend at on-screen partner na si Enrique Gil ang 2019 blockbuster movie na Hello, Love, Goodbye. Ito ay pinagbidahan nina Alden Richards at Kathryn Bernardo.
Sa nasabing vlog, game na sumalang si Liza sa isang legit lie detector test, kasama ang Kapuso actress na si Bea, kung saan napag-usapan nila ang kanyang work at career journey.
“Do you think your career opportunities were limited because nakahon ka sa isang loveteam?” tanong ni Bea kay Liza.
Mabilis naman na sumagot si Liza ng, “Yes,” na kinumpirma namang totoo ng lie detector.
Dahil dito, muling nagtanong si Bea kay Liza, “Ano ba 'yung mga gusto mong gawin na hindi mo nagawa because you were part of a love team?”
Agad naman itong sinagot ni Liza. “At the time that when I was in a loveteam hindi ko naisip na problema siya,” ani ng aktres.
Sa puntong ito ikinuwento ni Liza na ang tinaguriang highest-grossing Filipino film of all time na Hello, Love, Goodbye ay unang inalok sa kanila ni Enrique.
Kuwento niya, “Actually, 'yung Hello, Love, Goodbye ni Kathryn and Alden was actually offered to Quen [Enrique] and I first.”
Ayon kay Liza, gusto niya namang gawin ang naturang movie project ngunit noong panahon na iyon ay dine-develop pa umano ito.
Aniya, “And then I wanted to do that movie so bad but then they were like, 'There's another project lined up for the both of you.'
“Tapos while we were doing 'Bagani' nabalitaan ko…”
“That they offered it to Kathryn and Alden?” tanong ni Bea.
“At first they offered it to Kathryn and Quen and that scared the shit out of me,” saad ni Liza.
Pagbabahagi pa ng aktres, nagulat siya ng ialok pa rin ang proyekto kay Enrique pero hindi na siya ang leading lady nito. Sa katunayan, hiniling pa niya na ilaan na sa kanila ni Enrique ang pelikula at handa silang maghintay kung kailan ito mabubuo.
“I was like, 'Why did they do that?' I ask them to save the project for me and Quen parang please wait first. Kasi, they told us din noong pinitch sa amin na hindi puwedeng gawin agad kasi they have to develop it more. And I was like, 'Okay we'll wait for it. Please hold it for us.' And then, nalaman ko na lang bigla that they were still offering it to Quen but with Kathryn,” kuwento niya.
Natakot din si Liza sa posibilidad na mawala ang kanilang fans si Enrique sa mga panahong iyon.
Aniya, “I was scared like after Bagani and then when I do Darna wala na 'yung LizQuen and for me I don't wanna do it to the fans but also Quen was my comfort zone.”
Aminado rin si Liza na tingin niya ay marami siyang hindi nagawa sa kanyang career noon dahil sa nakahon na siya sa isang love team.
“It was until later that I realized, 'Oh, my God, ang dami kong hindi nagawa sa career ko.' And that's why everybody, I think, takes for granted my talent or acting capabilities because they only see me in a love team,” pahayag ni Liza.
Samantala, kamakailan ay nag-trending din si Liza matapos niyang burahin ang lahat ng kanyang posts sa social media at maglabas ng isang vlog patungkol sa kanyang career at “rebranding.”
SILIPIN ANG PRETTIEST PHOTOS NI LIZA SOBERANO SA GALLERY NA ITO:
